Vos prepausam aquí un utís per trobar las entresenhas dels actors de la cultura occitana, de son economia, de l’ensenhament, de l’espòrt, dels lésers… Es un projècte bailejat per l’Institut d’Estudis Occitans. S’avètz de remarcas, de questions e de suggestions, esitètz pas de nos contactar : webmaster@paginas-occitanas.com.

Coma utilizar las Paginas Occitanas ?

Dins las Paginas Occitanas son recensadas las estructuras que an una competéncia dins - o a l’entorn de l’occitan. Lo pavat central « cercar e trobar » vos permet de far una recèrca rapida

• en picant un mot clau (teatre, ensenhament, Massilia Sound System, fotbal…)
• en causir una zòna geografica (departaments occitans de l’Estat francés, Val d’Aran, Valada d’Itàlia)
• o en se passejar dins las diferentas categorias e jos categorias.

Aqueles tres tipes de recèrca pòdon èstre utilizats a despart o combinats. Per exemple, pòdi recercar « Nadau » coma mot clau, dins lo departament « 64 – Pirenèus-Atlantics » dins la categoria « cultura »/jos categoria « musica ». Se clicat sul boton « ZO », una resulta s’aficha : dins una banda de color violeta se veson mai de precisions sus la(s) categoria(s) dins la quala l’actor es estat referenciat (dins aquel exemple : > Cultura > Musica > Rock / Blues > »). Puèi dins un pavat jaune se tròba a esquèrra l’adreiça postala e lo corrièl e a dreita las coordonadas telefonicas. Se clicatz sul nom qu’apareis en violet, podètz accedir a mai d’informacions sul contact, a condicion que sián estadas enregistradas : fòtos, tèste descriptiu, extraits videos o musicals, ligam de cap a un site internet.

Coma s’enregistrar dins las Paginas Occitanas ?

Se la vòstra estructura es pas repertoriada, ne podètz far la demanda. Per aquò, vos cal clicar sul mot « connexion » que se tròba dins la colona de dreita, en bas. Un formulari s’aficha ont podètz sasir las entresenhas concernissent la vòstra estructura. Se clicatz sul boton « s’inscrire », aquelas entresenhas seràn mandadas al webmèstre que validarà aquela demanda per parucion
Lo vòstre mot de Santa-Clara vos permetrà de vos tornar conectar mai tard se desiratz apondre d’informacion. Per poder postar mai d’entresenhas, un simple apèl telefonic al 05 34 44 97 11 (o un messatge sus la boeta vocala) vos permetrà de poder postar gratuitament d’extraits sonòres, un tèxte desciptiu, etc.
Atencion ! aquel site a pas per vocacion d’èstre l’equivalent de las papginas blanca. Tanben, se sètz un occitan pur chuc, mas pas associat a una estructura o a una activitat artistica, podrem pas validar la vòstra demanda d’enregistrament.

Bona trobada !